1ܐܝܼܢܵܐ ܪܘܼܚܵܐ ܒܡܲܥܠܘܼܡܘܼܬܵܐ ܒܹܐܡܵܪܵܐ ܝَܠܵܗ̇؛ ܕܒܙܲܒܼܢܹ̈ܐ ܐ݇ܚܵܪ̈ܵܝܹܐ ܒܸܬ ܪܵܚܩܝܼ ܐ݇ܢܵܫܵܐ ܐ݇ܢܵܫܵܐ ܡ̣ܢ ܗܲܝܡܵܢܘܼܬܵܐ؛ ܘܒܸܬ ܐܵܙܠ݇ܝܼ ܒܵܬ݇ܪ ܪ̈ܘܼܚܹܐ ܡܲܚܠܸܛܵܢܹ̈ܐ؛ ܘܒܵܬ݇ܪ ܝܘܼܠܦܵܢܹ̈ܐ ܕܕܲܝܘܹ̈ܐ؛ 2ܒܡܲܣܲܒܼ ܒܐܲܦܘܼܬܵܐ ܕܐܵܢܝܼ ܕܗܲܡܙܸܡܝܼ ܕܵܓܵܠܘܼܬܵܐ؛ ܘܟܘܼܝܹܐ ܝܢܵܐ ܒܐܸܢܝܲܬܵܝ؛ 3ܘܟܹܐ ܡܲܟܠܝܼ ܡ̣ܢ ܠܸܓܒܼܵܪܵܐ؛ ܘܟܹܐ ܡܲܦܪܸܩܝܼ ܡ̣ܢ ܡܹܐܟܼܘܼܠܝܵܬܹ̈ܐ؛ ܐܵܢܝܼ ܕܐܲܠܵܗܵܐ ܒܸܪܚܵܠܹܐ ܠܩܒܵܠܬܵܐ ܥܲܡ ܫܵܟܲܪܬܵܐ؛ ܒܕܵܐܢܝܼ ܕܗܲܡܸܢܝܼ ܘܝܲܕܥܝܼ ܣܲܪܲܣܬܘܼܬܵܐ. 4ܣܵܒܵܒ ܟܠ ܕܝܼܠܹܗ ܒܸܪܝܵܐ ܡ̣ܢ ܐܲܠܵܗܵܐ ܨܦܵܝܝܼ ܝܠܹܗ؛ ܘܠܲܝܬ ܡܸܢܕܝܼ ܠܡܲܣܠܵܝܬܵܐ؛ ܐܸܢ ܦܵܝܸܫ ܩܘܼܒܠܵܐ ܒܫܵܟܲܪܬܵܐ؛ 5ܣܵܒܵܒ ܕܡܩܘܼܕܫܵܐ ܝܠܹܗ ܒܝܼܸܕ ܗܹܡܸܙܡܵܢ ܕܐܲܠܵܗܵܐ ܘܒܨܠܘܿܬܵܐ. 6ܐܲܢܹܐ ܐܸܢ ܗܵܘܸܬ ܡܵܠܘܿܦܹܐ ܠܐܵܚܘܿܢܘܵܬܹ̈ܐ؛ ܒܸܬ ܗܵܘܸܬ ܚܸܠܡܲܬܟܵܪ ܛܵܒܼܵܐ ܕܝܼܫܘܿܥ ܡܫܝܼܚܵܐ؛ ܟܲܕ ܦܵܝܫܸܬ ܬܘܼܪܣܝܼܵܐ ܒܗܹܡܸܙܡܵܢܹ̈ܐ ܕܗܲܝܡܵܢܘܼܬܵܐ؛ ܘܒܝܘܼܠܦܵܢܵܐ ܛܵܒܼܵܐ ܕܝܠܝܼܦܵܐ ܝܘܸܬ. 7ܐܝܼܢܵܐ ܡ̣ܢ ܗܲܩܝܲܬܹ̈ܐ ܦܲܝܟܹ̈ܐ ܕܣܵܒܼܝܵܬܹ̈ܐ ܦܨܝܼ. ܘܡܲܦܠܸܚ ܓܵܢܘܼܟܼ ܒܕܸܚܠܲܬ ܐܲܠܵܗܵܐ؛ 8ܣܵܒܵܒ ܦܠܵܚܬܵܐ ܕܦܲܓܼܪܵܐ ܒܚܲܕَܟ̰ܵܐ ܡܵܪܹܐ ܦܲܝܕܵܐ ܝَܠܵܗ̇؛ ܐܝܼܢܵܐ ܕܸܚܠܲܬ ܐܲܠܵܗܵܐ ܒܟܠ ܡܸܢܕܝܼ ܡܵܪܹܐ ܦܲܝܕܵܐ ܝَܠܵܗ̇؛ ܘܐܝܼܬ ܠܵܗ̇ ܩܵܘܠܵܐ ܕܚܲܝܹ̈ܐ ܕܐܵܗܵܐ ܙܲܒܼܢܵܐ ܘܕܗ̇ܘ ܕܐܵܬܹܐ. 9ܡܗܘܼܡܸܢܬܵܐ ܝَܠܵܗ̇ ܗܹܡܸܙܡܵܢ؛ ܘܚܫܝܼܚܬܵܐ ܝَܠܵܗ̇ ܠܟܠܵܗ̇ ܩܵܒܲܠܬܵܐ. 10ܣܵܒܵܒ ܠܐܵܗܵܐ (ܢܝܼܲܬ) ܒܸܓ̰ܲܗَܝܵܐ ܝܘܵܚ؛ ܘܦܝܵܫܵܐ ܝܘܵܚ ܠܝܼܡܹܐ؛ ܕܒܗܹܒܼܝܼ ܝܘܵܚ ܒܐܲܠܵܗܵܐ ܚܲܝܵܐ؛ ܕܝܼܠܹܗ ܦܵܪܘܿܩܵܐ ܕܟܠܵܝܗܝ ܒܢܲܝ̈ܢܵܫܵܐ؛ ܒܘܼܫ ܙܵܘܕܵܐ ܕܡܗܘܼܡܢܹ̈ܐ. 11ܐܲܢܹܐ ܡܵܠܸܦ ܘܦܵܩܸܕ. 12ܘܐ݇ܢܵܫܵܐ ܠܵܐ ܡܲܣܠܹܐ ܓ̰ܘܲܢܩܘܼܬܘܼܟܼ؛ ܐܸܠܵܐ ܗ݇ܘܝܼ ܛܘܼܦ̮ܣܵܐ ܠܐܵܢܝܼ ܕܗܲܡܸܢܝܼ؛ ܒܗܹܡܸܙܡܵܢ؛ ܘܒܚܕܵܪܵܐ؛ ܘܒܚܘܼܒܵܐ؛ ܘܒܗܲܝܡܵܢܘܼܬܵܐ؛ ܘܒܕܸܟܼܝܘܼܬܵܐ. 13ܗܲܠ ܕܐܵܬܸܢ؛ ܚܵܒܸ݁ܛ ܒܩܪܵܝܬܵܐ؛ ܒܦܲܪܦܲܠܬܵܐ؛ ܒܝܘܼܠܦܵܢܵܐ. 14ܘܠܵܐ ܡܲܣܠܸܬ ܚܲܠܥܲܬ ܕܐܝܼܬ ܒܝܼܘܼܟܼ؛ ܗ̇ܝ ܕܦܸܫܠܵܗ̇ ܝܘܼܗَܒܼܸܠܬܵܐ ܐܸܠܘܼܟܼ ܒܝܼܲܕ ܢܒܼܝܼܘܼܬܵܐ ܒܣܝܵܡܐܝܼܕܵܐ ܕܩܲܫܝܼܫܘܼܬܵܐ. 15ܒܐܲܢܹܐ ܗܵܓܝܼ؛ ܘܗ݇ܘܝܼ ܒܝܼܵܝܗܝ؛ ܕܦܵܝܫܵܐ ܝܕܥܝܼܬܵܐ ܠܟܠ ܐ݇ܢܵܫܵܐ ܕܠܩܵܕ݇ܡܘܼܟܼ ܒܹܐܬܵܝܵܐ ܝܘܸܬ. 16ܘܗ݇ܘܝܼ ܗܸܫܝܵܪ ܒܓܵܢܘܼܟܼ ܘܒܝܘܼܠܦܵܢܘܼܟܼ. ܒܐܲܢܹܐ ܚܡܘܿܠ؛ ܣܵܒܵܒ ܟܲܕ ܐܲܢܹܐ ܥܵܒܼܕܸܬ؛ ܓܵܢܘܼܟܼ ܒܸܬ ܦܵܪܩܸܬ ܘܠܐܵܢܝܼ ܕܫܲܡܥܝܼ ܠܘܼܟܼ.